2023-2024 ուստարվա մշակում
Նկարագրությունը: Հովհաննես Թումանյանը հայ մշակութային, հասարակական կյանքում մեծ ներդրում ունեցած գրող ու գործիչ է: Թումանյանական ավանդույթը ոչ թե ինչ – որ առանձին դպրոց կամ հոսանք է, այլ օրգանական ամբողջությունը հայրենի գրականության լիարյուն ռեալիզմի և ամենախոր ժողովրդայնության սկզբունքների, որոնք ժամանակի ընթացքում փոխում են իրենց ձևերը, բայց էությամբ չեն կարող հնանալ կամ արժեզրկվել: Թումանյանի ստեղծագործությունները մեզ ուղեկցում են ողջ կյանքում՝ մանկությունից մինչև ծերություն, մանկական ոտանավորներից մինչև խոհափիլիսոփայական քառյակներ:
Փետրվարը հագեցած է թումանյանական տարբեր նախաձեռնություններով: Կրթահամալիրում իրականացվող տարաբնույթ նախագծերն էլ ավելի են հարստացնում գրողին նվիրված, նրա գործը հիշատակող ու շարունակ գնահատող, վերարժևորող միջոցառումների շարքը՝ թումանյանական շնչով լցնելով կրթական գործընթացը:
Նպատակը: Թումանյանի գործունեությանը ծանոթանալը, ստեղծագործություններն ընթերցելն ու վերընթերցելը, գրականության և կյանքի սերտ կապի գիտակցումը, մեծ գրողի և ազգային գործչի դասերն ու խորհուրդները քննարկելն ու յուրացնելը:
Խնդիրներն են՝
- Հովհաննես Թումանյանի թողած գրական ժառանգության ուսումնասիրություն,
- Գրողի ստեղծագործությունների ընթերցում, վերլուծում, քննարկում, հանրայնացում,
- Թումանյանական օրերի նշանավորում,
- Թումանյանի՝ հայ ազգային կյանքում ունեցած դերի ու նշանակության արժևորում,
- Թումանյանը՝ գրականության տեսաբան և քննադատ,
- Բանաստեղծի գեղագիտական հայացքների բացահայտում
- Թումանյանի ստեղծագործության ուսումնասիրություն՝ որպես ազգային բանահյուսության կենդանի կրող,
- Թումանյանի արվեստի, լեզվի յուրահատկությունների ուսումնասիրում, ժողովրդախոսակցական հայերենի հմայքի բացահայտում նրա ստեղծագործությունների միջոցով,
- Թումանյան գրական երևույթի և մարդու համակողմանի բացահայտում:
Ժամանակացույցը: «Մխիթար Սեբաստացի» կրթահամալիրը, ըստ ուսումնական օրացույցի, փետրվարի սկզբից մինչ մարտի կեսերը (ամեն տարի տրվում է հստակ ժամանակահատված) տոնում է Թումանյանական օրերը: Նախագծերը, պայմանավորված ծավալով, այլ առանձնահատկություններով, կարող են ավելի երկար ժամանակահատված ընդգրկել: Սովորաբար նախագծային օրերին հատկացված ժամանակում ներառվում է նաև փետրվարի 19-ը, որը սովորողների հետ հնարավորինս բովանդակալից ենք դարձնում տարբեր նախաձեռնություններով: Հաջորդիվ շարունակվում են նախագծային աշխատանքները, հոդվածների թողարկումներ, վարպետության դասեր, կլոր սեղան-քննարկումների, մրցույթների կազմակերպում, ֆլեշմոբային ընթերցումներ և այլն:
Մասնակիցներ: Նախագծային աշխատանքներին մասնակցում են դասավանդողները, սովորողները, ծնողները և ընտանեկան դպրոցի այլ ներկայացուցիչներ, հյուրեր, հետաքրքրվողներ: Դասավանդողն առավելապես խորհրդատուի և աշխատանքները համակարգողի գործառույթներն է իրագործում, թեպետ կարող է նաև իր ակտիվ մասնակցությունն ունենալ` տեսանյութեր ու ռադիոնյութեր պատրաստելով կամ այլ գործունեությամբ:
Իրականացման ընթացքը
- Նախագծերի քննարկում սովորողների հետ, առաջարկությունների գրանցում,
- Նախագծի կազմում,
- Ժամկետների, աշխատանքների ճշգրտում, մշակում (հարկ եղած դեպքում՝ աշխատանքի բաժանում),
- Նախագծի իրականացում,
- Նախագծերի լուսաբանում, ներկայացում կայքում, սովորողների և ուսուցչի բլոգներում:
Աշխատանքային ուղղությունները
- Ընթերցանություն (անհատական, ընտանեկան, խմբային-բերանացի)
- Ուսումնասիրություններ և ստեղծագործական աշխատանքներ
- Թեմատիկ խաղ-մրցույթներ
- Ֆլեշմոբային առաջադրանքների մշակում
- Գրողին առնչվող քննարկումներ, բանավեճեր, հանդիպումներ
- «Կլոր սեղան»-քննարկումներ
- Վարպետության դասեր
- Տեսադասեր
- Բեմադրություններ
- Աուդիո-, տեսա-, ռադիոնյութեր
- Թումանյանական ճամփորդություններ, կրթական փոխանակումներ
- Քաղաքային թափառումներ
Նախագծի իրականացումը՝ ըստ կրթական օղակների
Նախակրթարանների նախագծային գործունեությունը: Նախակրթարաններում այս օրերին ծանոթանում են Թումանյանի հետ, ընթերցանությանը ակտիվ մասնակցում են ընտանիքները: Թումանյանական հեքիաթներ են ընթերցվում, բեմադրվում: Երեխաներին հաճախակի տրվում են հարցեր, զարգացնում նրանց բանավոր խոսքը: Սխալ արտասանած բառերը շտկվում են, ոչ հայերեն բառերի հայերեն տարբերակն է մատուցվում, անընդհատ խոսելով՝ զարգացնում են բանավոր խոսքը, ստեղծագործելու, հորինելու կարողությունը, միմյանց զիջելու, լսելու կարողությունը, ցածր խոսելու ունակությունը։
Կրտսեր օղակի նախագծային գործունեությունը: Կրտսեր դասարաններում մայրենիի օրերին իրականացվող նախագծերի հիմնական խնդիրն է՝ սովորողի բանավոր ու գրավոր խոսքի, մեդիահմտությունների զարգացումը: Առաջին դասարանում այս շրջանը զուգորդվում է թումանյանական նախագծերի և բառուսուցման փուլի ավարտի հետ։ Որպես ստուգատեսային կետեր առանձնացվում են հետևյալները․
- Սովորողների կողմից թումանյանական հեքիաթների հատվածաբար ընթերցում
- Թումանյանական լեզվի յուրացում, անծանոթ բառերի բացատրություն
- Թումանյանական լեզվով նոր հեքիաթի ստեղծում
- Սովորող — սովորեցնող համագործակցային աշխատանքների իրականացում
Աշխատանքները հրապարակվում են սովորողների անհատական-դասարանական բլոգներում:
Միջին օղակի նախագծային գործունեությունը:
Միջին օղակում թումանյանական օրերը նշանավորվում են անհատական, ընտանեկան, ընթերցումներով, ասմունքով, քաղաքային թափառումներով, ճամփորդություններով, քննարկումներով, ներկայացումներով և այլ նախաձեռնություններով: Ուսումնասիրվում են Թումանյանի կենսագրությունը, հայրենի բնաշխարհը՝ որպես գրողի ստեղծագործական ներշնչանքի աղբյուր, ուսումնառությունը, ազգային-հասարակական գործունեությունը, Թումանյանը՝ որպես թարգմանիչ, լեզվական արվեստը, Թումանյանի գրական տեսակների համակարգը՝ բանաստեղծություն, քառյակ, պոեմ, բալլադ, պատմվածք, նորավեպ, հեքիաթ, հուշագրություն և այլն: Նախագծի ավարտին արված աշխատանքները հավաքվում, ամփոփվում, հրապարակվում են դասավանդողի բլոգում, ենթակայքում, այլ մեդիահարթակներում:
Ավագ օղակի նախագծային գործունեությունը:
Ավագ օղակում նախագծային այս օրերին ընթերցում են Թումանյանի արձակն ու պոեզիան, Թումանյանի ու Թումանյանին առնչվող հոդվածները: Կազմակերպվում են քաղաքային թափառումներ, ճամփորդություններ, ներկայացումներ, կլոր-սեղաններ, տարաբնույթ քննարկումներ: Նախագծի ավարտին արված աշխատանքները հավաքվում են, ամփոփվում, հրապարակվում դասավանդողի բլոգում, ենթակայքում, այլ մեդիահարթակներում:
Քոլեջի նախագծային գործունեությունը:
Քոլեջում ընթերցում են Թումանյան, այցելում գրողի տուն-թանգարան: Գրական խոսքի ակումբը կազմակերպում է տոնական քննարկում: Նախագծի ավարտին արված աշխատանքները հավաքվում են, ամփոփվում, հրապարակվում դասավանդողի բլոգում, ենթակայքում, այլ մեդիահարթակներում:
Նախագծի բովանդակությունը․
Հեքիաթները՝
- «Քեֆ անողին քեֆ չի պակսիլ»
- «Ոսկու կարասը»
- «Չախչախ թագավորը»
- «Տերն ու ծառան»
- «Եդեմական ծաղիկը»
- «Սուտլիկ որսկանը»
- «Քաջ Նազար»
- «Կիկոսի մահը»
- «Ձախորդ Փանոսը»
- «Անխելք մարդը»
Պոեմները՝
- «Մեհրի»
- «Ալեք»
- «Մերժած օրենք»
- «Սասունցի Դավիթ»
- «Թմկաբերդի առումը»
- «Հազարան բլբուլ»
- «Դեպի անհունը»
- «Պոետն ու մուսան»
- «Մարոն»
- «Լոռեցի Սաքոն»
- «Հառաչանք»
- «Անուշ»
Լեգենդներն ու բալլադները՝
- «Փարվանա»
- «Աղավնու վանքը»
- “Ախթամար“
- «Լուսավորչի կանթեղը»
- «Հսկան»
- «Մի կաթիլ մեղրը»
- «Աղավնու վանքը»
- «Թագավորն ու չարչին»
Պատմվածքներ՝
- «Գրազը»
- «Իմ ընկեր Նեսոն»
- «Ուրախ գիշեր»
- «Նեսոյի Քարաբաղնիսը»
- «Երկաթուղին»
- «Արջաորս»
- «Եղջերուն»
- «Գելը»
Բանաստեղծություններ՝
- «Իմ երգը»
- «Համերգ»
- «Երկու սև ամպ»
- «Ա՜խ ինչ լավ են սարի վրա»
- «Պատրանք»
- «Երնեկ թիթեռ ես լինեի…»
- «Ժամանակն անվերջ, տիեզերքն անհուն…»
- «Կաքավի գովքը»
- Այլ բանաստեղծություններ՝ դասավանդողի և սովորողների ընտրությամբ
Մուլտֆիլմեր՝
Քառյակներ՝
Ճամփորդություններ՝
Թումանյանի ստեղծագործությունների առցանց շտեմարան թանգարանի կայքում
Առաջարկվող գրականություն՝
- Ահարոնյան Վ., Հովհաննես Թումանյան մարդը և բանաստեղծը, Բոստոն, 1936:
- Ավդալբեկյան Թ., Հայ գյուղը Հովհաննես Թումանյանի երկերում, Ե., 1925:
- Ավետիսյան Զ., Թումանյանի ստեղծագործական լաբորատորիան, Ե., 1973:
- Դարբինյան Վ., Երկի հոգեբանական մշակումը Թումանյանի մոտ, Ե., 1957:
- Եղիազարյան Ա., Թումանյանի պոետիկան և նրա ժողովրդական ակունքները, Ե., 1990:
- Երզնկյան Ա., Դարավոր կաղնին, Ե., 1970:
- Զորյան Ս., Իմ Թումանյանը, Ե., 1969:
- Թամրազյան Հ., Հովհաննես Թումանյան, Ե., 1995:
- Թումանյան Ն., Թումանյանի մանկությունը, Ե., 1999:
- Թումանյան Ն., Թումանյանի մանկությունը և պատանեկությունը, Ե., 1938:
Արդյունքներ՝
Լրացվող…