Թումանյան մեծության մասին, կարծում եմ, ինչպիսի նախագիծ էլ գրվի, միշտ ինչ- որ բան պակաս կլինի, որովհետև տիեզերական անհունության մեջ անգամ անհնար կլինի տեղավորել նման հանճարի կյանքն ու գործը: Նախագիծը ըստ էության համակողմանիորեն մշակված էր, բայց որոշակի կառուցվածքային և բովանդակային փոփոխություններ, այնուամենայնիվ, կատարել եմ: Փոփոխությունները նախագծի խնդիրների մեջ եմ կատարել՝ ավելացնելով հետևյալ կետերը՝
- Թումանյանը՝ գրականության տեսաբան և քննադատ,
- Բանաստեղծի գեղագիտական հայացքների բացահայտում
- Թումանյանի ստեղծագործության ուսումնասիրություն՝ որպես ազգային բանահյուսության կենդանի կրող,
- Թումանյանի արվեստի, լեզվի յուրահատկությունների ուսումնասիրում, ժողովրդախոսակցական հայերենի հմայքի բացահայտում նրա ստեղծագործությունների միջոցով,
- Թումանյան գրական երևույթի և մարդու համակողմանի բացահայտում:
Նախագծի ժամանակացույցի, իրականացման ընթացքի ու աշխատանքային ուղղությունների հետ կապված ոչ մի փոփոխություն չեմ կատարել, որովհետև ըստ հաջորդականության ներկայացված էր այդ ամենի բովանդակությունը:
Միջին օղակի գործունեության մեջ ավելացրել եմ Թումանյանի կենսագրության, հայրենի բնաշխարհի՝ որպես գրողի ստեղծագործական ներշնչանքի աղբյուր, ուսումնառության, ազգային-հասարակական գործունեության, Թումանյանի՝ որպես թարգմանչի, նրա լեզվական արվեստի, Թումանյանի գրական տեսակների համակարգի՝ բանաստեղծություն, քառյակ, պոեմ, բալլադ, պատմվածք, նորավեպ, հեքիաթ, հուշագրություն ուսումնասիրությունները:
Բովանդակության մեջ ավելացրել եմ որոշ հեքիաթներ, որոնք չկային,նախնական տարբերակում պոեմներն էին ,ավելացրել եմ նաև լեգենդներն ու բալլադները , պատմվածքներից որոշ պատմվածքներ:
Եվ վերջում Թումանյանի ուսումնասիրության մասին գրականություն:
Էդիտա Կարապետյան 