Ազգագրության փառատոնի շրջանակում հանդիպում ԳԱԱ Հ․ Աճառյանի անվան լեզվի ինստիտուտի գիտաշխատող, լեզվաբան, բ․գ․թ․, ԳՊՀ Բանասիրության և պատմաիրավագիտության ամբիոնի դոցենտ Մհեր Քումունցի հետ։
Հանդիպումը տեղի կունենա կրթահամալիրի «Տիգրան Հայրապետյան» գրադարանում հունվարի 23-ին՝ ժամը 11։00-ին։
Մասնակիցները՝ Միջին դպրոցի սովորողներ, ճամբարականներ, դասավանդողներ, այլք
Հանդիպման նպատակը
Ձմեռային ազգագրության փառատոնի շրջանակում ծանոթանալ ազգային մշակույթին, մասնավորապես՝ հայերենի բարբառներից մեկին՝ Գորիսի բարբառին, Սյունիքի հարուստ բանահյուսությունը։
Ճանաչել Սյունիքը՝ որպես հայ մշակութային ժառանգության հնագույն օջախներից մեկը։
Լեզվաբանի հետ քննարկել բարբառների դերի ու նշանակության խնդիրը, գրական հայերենի վրա դրանց ազդեցությունը։
Խնդիրները
Ծանոթանալ Գորիսի բարբառի հնչյունական, արտասանական, քերականական օրինաչափություններին։
Սյունիք-Արցախ բարբառային աղերսները։
Ծանոթանալ Գորիսի հարուստ և բազմազան բառապաշարի մի փոքրիկ մասին։ Բացատրական բառարանների օգնությամբ բացատրել դժվարհասկանալի և բարբառային բառերը, միաժամանակ սովորողների մեջ զարգացնել բառարաններից օգտվելու հմտություններ։
Ձեռք բերել Գորիսի բարբառի ընթերցանության հմտություններ։
Ընթացքը
Առաջարկվող ընթերցանության նյութերից միասին ընտրել ավելի դյուրալի և կարճ պատմվածքներ, հեքիաթներ, առած-ասացվածքներ։
Կարդալ ընտրված նյութերը, բացատրել անհասկանալի բառերը, փոխադրել գրական հայերեն։
Նախապատրաստել հարցեր՝ հանդիպման ժամանակ լեզվաբանին ուղղելու համար։
Ընթերցանության համար առաջարկվող ուսումնական փաթեթ՝
- Ալեքսանդր Մարգարյան, Գորիսի բարբառը, էջ 3-13 տեսական նյութ, էջ 270-561- Գորիսի բարբառով պատմվածքներ, մանրապատումներ
- Արամ Ղանալանյան, Առածանի, էջ 305-332
- Հայ ժողովրդական հեքիաթներ, հատոր 7-րդ, Երևան,1979
Լսի՛ր Գորիսի բարբառով ձայնագրված հեքիաթները՝ Թազա հարսը, Թագավերեն տղան օզում չի մեռնի։ Դիտելուց հետո դու ևս կարդա՛ քո նախընտրած հեքիաթը կամ պատմվածքը և փորձի՛ր ձայնագրել։
Էդիտա Կարապետյան 